هەستی ناسکی کورد بەرانبەر بە پیاوچاکان

شێخ مزهر عاسی کە شێخی ئالعوبید و نیشتەجێی حەویجە بوو، بەر لە مردنی وەسێتی کردبوو لە حەویجە نەینێژن چونکە ئەو خاکە هی ئەوان نییە و داگیرکراوە. لەبەر ئەوە، لە دیوەکەی تری حەمرین نێژراوە و وەک باسیش دەکرێ، هەتا ئێستا گۆڕەکەی بە تەنهایە و کەسی تری لێ نەنێژراوە جگە لەوەی لەو دواییانەدا، داعش مەرقەدەکەی تەقاندۆتەوە. بەڵام من لە باوباپیرانی خۆمم بیستووە (کە مەڕدار بوون)، کاتێ مەڕەکانیان تووشی ماندووبوونیان دەکردن، دواعایان لێ دەکردن و دەیانگوت: "هەی بەر تاڵانی عەلبوعوبێد) بکەوون...

خەبەری ناشتنی ئەو شێخە بۆ کورد، دەبێتە هۆی ئەوەی شێخ و ئەولادی شێخ و نەوەکانی شێخ و ئەملاوئەولای شێخ خۆشەویست و جێی ڕێز بن، بەڵام ئەو دوعایەی باوباپیرانی من جێی هیچ ناگرێ. کەسیش بیر لەوە ناکاتەوە ئەوانەی دوای ئەو چییان بە کورد کردووە و ئێستاش چی دەکەن. ئەو شێخە تاقانەیە، بە لای منەوە پیاوێکی مەرد و لەخواترس بووە بەڵام نوتفەی خاوێنی نەبووە بۆیە هەرچییەکی لێ کەوتۆتەوە، بە ماڵ و خوێنی کورد گۆش کراوە. جا حیساب بۆ ئەو تاقانە خاوێنە بکەین یا بۆ ئەو لافاوە عارەبەی حەویجە کە پێشمەرگەی دیلی دەستی داعشیان بەردباران دەکرد و لەو ڕۆژەوە لەو خاکەی کوردستان پەنایان دراوە، لە خراپە زیاتر هیچیان بۆ کورد نەبووە... لە کاتی شەڕدا تاڵانچی بوونە و لە کاتی ئاساییدا، هەر بۆ گیانی کورد، ئەمن و سیخوڕ و ئەفسەر و بەندیوان و جەللاد بوونە!.

بە باوەڕی من، کاتێ عارەبی بەغدا باسی دەرکردنی کوردی بەغدا و شوێنەکانی تر دەکەن، دەبێ کوردیش دەرکردنی عارەبی حەویجە بکاتە پرۆژە و کاری بۆ بکات. خۆ بەغدا پێشتریش کاری پاکسازی خۆی کردووە و مەمالیک و بەرمەکییەکان و جوولەکەیان قڕ کردووە و لە سەردەمی بەعسیشدا، کوردی فەیلیی ئەنفال کرد... ئەمجارەش هەمان کار لە بەغدا ئەنجام دەدرێ.

حەویجە، بووە بە سنگەکەی مەلای مەشهوور و بە ماڵی کوردەوە داکوتراوە.

سەرنج: ١. ئەو وێنەیە بە شێخ مزهر دەزانم، بەڵام زۆر لێی دڵیا نیم. ئەو شێخە، وێنەیەکی لەگەڵ مەلا مستەفا بارزانیدا هەیە بەڵام چەند گەڕام دەستم نەکەوت.  ٢. هیوادارم ئەگەر وێنەکەی ئەو شێخە هەو نەبوو، کەسێ وێنەیەکی تری دابنێ و ئەگەر ئەوەی لەگەڵ بارزیدایە هەبێ، باشترە!.